WATAKING MANUSA MITURUT DINA LAN PASARAN KALAIRANE

WATAKING MANUSA MITURUT DINA LAN PASARAN KALAIRANE

Iki pratelaning watak kalairaning  wong, kang kagawa saka ing daya kumpuling dina lan pasaran, kang pada mudoni marang wewatakan mau, awit kumpuling dina lan pasaran mau uga andayani dadi be`budening wong, kaya ing ngisor iki pratelane :

Dina & Pasaran	Wataking
Ahad Kliwon	Bener kenceng sabarang pikirane, iku kena ginawe tuwa, amung yen kadinginan pikir iku banjur ewa atine.
Senen Legi	Yen lanang busuk rada kurang pikir; Yen wadon sedengan barang pikir, lumrah ing sanak .
Rebo Pon	Lanang Wadona isinan, bisa  ngingoni wong pada siji, pikir suci pareng marang gawe.
Kemis Wage	Yen meneng pracaya; Yen receh pratitis, prayitna marang pakewuh, lan bisa umbak ala becik
Jum’at Kliwon	Yen lanang ora pati micara, mung sedengan bae, yen wadon lanas wani marang wong lanang.
Sabtu Legi	Cukeng sugihan pinter ngupaca melik, balaba rekane bae, nginguwa jaran, bisa wasis lan sugih
Ahad Paing	Wegig pikire prayitna ing weweka, nanging diri piyangkuhe kaya mutera jagat.
Senen Pon	Manis wicarane, bisa ngenaki pikir sesama-samaning wong, lan bisa golek rejeki.
Selasa Wage	Lumuh ing wuruk lan lumuh ing becik, tur nora micara, lamun wadon prayoga bisa simpen arta
Rebo Kliwon	Wegig  amicara pikire, nanging calimut marang wong wadon, yen wis mari rusuh bisa anggayuh wataking pandita
Kemis Legi	Ber pikir lumuh kaunggulan, yen wadon candala, marang wong lanang wani padu.
Jum’at Paing	Meneng yen busuk babar pisan, nanging maju ing gawe, yen pinter dadi panutane wong akeh, tur dadi pujangga
Sabtu Pon	Kriya gawene, wegige yen awan, yen wadon bisa golek melik mbalubut.
Ahad Wage	Gede kekarepane, yen duwe pikir ora kena den palangi, yen wadon iku ala
Senen Kliwon	Meneng pikire, yen misih anom bodo sadela, bareng tuwa alus pikire.
Selasa Legi	Kurang wicarane,  yen juweh wegig, barang pikir apik, yen ngutuh wekasane ala
Rebo Paing	Munggah umpakan, para diri lumuh  kaungkulan temene cecegan pikir banter
Kemis Pon	Anteng  pikir  piyangkuh besus sabarang nora katara piyangkuhe, tegese gemi
Jum’at Wage	Bisa amicara juweh receh pratitis watak pandita, ceta nanging cengkiling, lilan nanging kerep kesandung
Sabtu Kliwon	Bodo ngaku pinter, kurang wegig lalen, nanging temen maju ing gawe.
Ahad Legi	Lalen kurang wegig pi8kirane, yen pinter luwih sepadaning wong, nanging karem madon kang pada laku ala panggawe ngiwa.
Senen paing	Murka marang pagaweyan samubarang pikir  sedengan, yen wadon luwih prayoga
Selasa Pon	Kurang  pikir lumuh ing prakara, yen wadon becik prayoga dadi selir priyayi.
Rebo Wage	Sedengan barang pikir maju ing gawe, yen wadon cendala marang wong lanang
Kemis Kliwon	Kurang pikir nanging petel marang gawe, yen wadon sedengan pikirane.
Jum’at Legi	Ila-ilu ora duwe pikir dewe, yen kalah gela jroning pikir, luwih susah atine.
Sabtu Paing	Lanang wadona bisa golek melik, bisa simpen, wicara alus lan aga.
Ahad Pon	Kurang pikir pracaya lilan, yen wadon prayoga, bisa simpen kayane, wong lanang.
Senen Wage	Kurang pikir, bregundung kaki pikire, yen wadon becik yen lanang wani lampus utawa wani nanggulang pakewuh.
Selasa Kliwon	Yen busuk babar pisan, yen pinter dadi pujangga, Sejatine ngulama.
Rebo Legi	Lumrah prasaja, njaluk gelem dijaluki aweh, yen wadon prayoga barang pikire.
Kemis Paing	Temen anteng tani pikir  maju ing gawe demen dadi priyayi celak marang wong agung sedengan sabarange.
Jum’at Pon	Wegig sajroning  pikir, yen nora kaduga malengos, ewa atine kang ala.
Sabtu Wage	Lalen nanging nggraita pikir,  jroning ati  kaku lengus sadela nuli mari.